ABOUT
SO KZO
Schüler*innenorganisation KZO
Events, Schulpolitik und Ansprechspartner.
Liebe Mitschülerinnen und Mitschüler
Die Hauptaufgabe des Vereins Schüler*innenorganisation der Kantonsschule Zürcher Oberland ist es, die Meinung der Schüler*innen gegenüber der Lehrerschaft zu vertreten. Ausserdem versuchen wir, die Schulkultur durch Anlässe und eine entsprechende Schulpolitik mitzugestalten. Wir organisieren nicht nur Veranstaltungen wie die Volleynight, den Skitag oder die Europaparkreise, sondern sind auch in zahlreichen Kommissionen und mit mehreren Sitzen am Lehrerkonvent vertreten. Auf Instagram und unserer Webseite informieren wir laufend darüber, was in der Schule und auf nationalem Boden ansteht. Wir nehmen regelmässig an Anlässen der Union der Schülerorganisationen (USO) teil und pflegen somit Kontakt zu anderen Schüler*innenorganisation in Zürich und der ganzen Schweiz. Selbstverständlich helfen wir euch auch gerne bei persönlichen Problemen im Schulalltag weiter.
Herzliche Grüsse
SO KZO
Team
Präsidium/Kommunikation
Mailina Hess
Liebi Schülerinnen und Schüeler vo de KZO
Ich freu mich sehr mis 3 Jahr i de SO ah z trettä. Das Jahr als Präsidentin und mit eme neue motivierte Team. Zäme werdet mir cooli Aläss für eu plane und durä füär.
Zögered nöd mit Idee oder Frage direkt uf mich zue z'cho. Versuched näbed de Schüäl än Usglich z finde, au wenns mängmal streng isch und's viel z'lerne giht.
Ich wünsch eu viel Freud und Erfolg fürs kommende Semester.
Co-Präsidium/Finanzen
Hannah Lüscher
Heyy mitenand
Das isch jetzt mis zweite Jahr ide SO, dasmal als CO-Präsidentin. ich wünsch eu es guets Schueljahr, mit ganz villne lustige Moment und Durchhaltevermöge ide strenge Ziite.
Ich hoff natürlich ihr chönd vode SO profitiere und vill Spass a eusne Events ha!
Macheds guett<3
Design & Marketing
Alena Schneeberger
Hallo alli zämä,
Ich bin d Alena, ich han BG gwählt und freu mich extrem, dass ich jetzt ih dä SO bin. Ich wünsch eu allne es tolles Jahr und hoff, dass ihri vili netti lüüt kenne lerned!!
Design & Marketing
Dominic Tangorra
Hey zäme :)
Mis letzte Jahr i de SO möcht ich zum beste Jahr vo allne mache und das gaht nume mit so nem tolle Team. Freued eu uf ganz viel cooli Events. Gnüssed dZiit a de Kanti und mached eu kein Stress.
Mer gseht sich im Gang!
IT
Alexander Arnold
Hoihoi
Ich freu mich mega uf mis zweite Jahr ide SO! Bsunders freu ich mich uf das ganze organisiere, mit dem bsundere Team.
Fürs neue Schueljahr wünsch ich eu neui Fründschafte, viel Erfolg und en abwächsligriche Alltag.
Bis Bald ufem Gang
Alexander
IT
Florin Reinhardt
Hoi zäme
Ich freu mich mega und bin super motiviert uf mis erste Jahr ide SO! Es werded eu bezüglich Events einigi Sache erwarte das Jahr, was nur dank de tolle Community womer ade KZO hend möglich isch. Ich hoffe, ihr chönd so cooli Lüüt kännelerne, es paar unvergässlichi Erinnerige schaffe, und au was mitnä für de Alltag. Zögered au nöd mich aaspreche wenn er es Ahlige hend. Und denn gnüssed die Ziit ade Kanti, und vergässed unbedingt nöd au z lache!
Finanzen
Annabella Haman
Heyyy
Als eini vo de vier neuschte Mitglieder freu ich mich riesig uf miis erscht Jahr i de SO! Ich hoff, ich cha eu de fade Schueltag mit üüsne Events es bitzeli versüesse. Fürs neus Schueljahr wünschi eu viel neui, positiv Erfahrige, viel Freud und Spass a de KZO und vor allem viel Glück bim Lerne!
Hoffentli gseht mer sich im Gang <3
Kommunikation
Nina Langenegger
Hoi zäme
Mit sehr viel Freud und Motivation stiig ich jetzt i mis erste Jahr ide SO ih. Ich freue mich riesig eu als Schüelerschaft und eui Alige z vertrete, eu a üsi Events z’begrüesse chöne und eu sust no bi allem mögliche z’helfe. En chliine Tipp no: Freifächer sind e super Chance Kolleg:inne mit de gliiche Interesse z’finde, profitiered unbedingt vo dene Agebot. Ich wünsche eu en erfolgriiches Jahr ade KZO! Viel Glück und Spass :)
